Šik pokorio Glazgov

0
21
Foto: AFP

U prvom duelu današnjeg programa, koji je odigran u Glazgovu, Češka je savladala domaću Škotsku sa 2:0.

Nisu Česi toliko bili bolji od rivala, ali su bolje iskoristili svoje šanse i obezbijedili 14. trijumf na prvenstvima Starog kontinenta, kao i prva tri boda na šampionatu.

Prvu veliku šansu na utakmici imali su domaći. Robertson je iskoristio grešku odbrane Češke, dobro šutirao, ali je Vaclik izbacio u korner.

Kada se mislilo da će se na odmor otići bez golova, domaće igrače i navijače iznenadio je Patrik Šik koji je bio precizan u 42. minutu, nakon centaršuta Cufala.

Mnogo ljepša igra viđena je u nastavku. Početkom drugog poluvremena Škoti prijete u dva navrata. Prvo je Henli gađao prečku, a zatim je umalo Čelustka poslao loptu u svoj gol.

U 52. minutu bio je neoprezan Maršal, kada je previše izašao naprijed, a to je iskoristio Šik i sa skoro polovine terena pogodio gol za 2:0.

U nastavku su domaći pokušali u par navrata da postignu makar počasni pogodak, ali je rezultat ostao nepromijenjen.