Rusima umjesto himne na OI puštaju Čajkovskog

0
36
Foto: Getty Images

Međunarodni olimpijski komitet (MOK) odobrio je Rusiji da umjesto himne na ceremoniji dodjele medalja na Olimpijskim igrama u Tokiju bude pušten Prvi klavirski koncert Petra Iljiča Čajkovskog.

U decembru 2020. godine Sportski arbitražni sud (CAS) riješio je spor između Svjetske antidoping agencije (SADA) i Ruske antidoping agencije (RUSADA), presudivši da ruski sportisti ne mogu da se takmiče pod ruskom zastavom u velikim sportskim događajima do 16. decembra 2022. godine, kao ni da koriste ni državni grb ni himnu.

Komisija za sportiste ROC-a predložila je u januaru da se umjesto državne himne na Olimpijskim igrama koristi „Katjuša”, najpopularnija ruska pjesma tokom Drugog svjetskog rata.

Kasnije je, međutim, CAS objasnio da se pjesma ne može koristiti umjesto državne himne na predstojećim Olimpijskim igrama.

Ljetnje olimpijske igre u Tokiju održaće se između 23. jula i 8. Avgusta.