Ronaldo se oglasio nakon meča u Beogradu: Čitavoj naciji nanijeta šteta

0
50
Foto: Andrej Cukic/EPA

Portugalski reprezentativac Kristijano Ronaldo oglasio se na društvenim mrežama nakon meča sa Srbijom u Beogradu u kvalifikacijama za Svjetsko prvenstvo.

Dvije reprezentacije odigrale su 2:2 u uzbudljivom meču, a Ronaldu je u nadoknadi vremena poništen regularan pogodak nakon čega je Portugalac otišao u svlačionicu dok se još igrao meč.

“Najveći je ponos i privilegija to što sam kapiten Portugala. Uvijek sam davao i dajem sve što mogu za svoju zemlju i to se nikad neće promijeniti. Ipak, postoje i teški trenuci sa kojima se suočavamo, posebno kada osjećamo da je čitavoj naciji nanijeta šteta. Podignimo glave i suočimo se sa sledećim izazovom odmah. Naprijed Portugal”, napisao je Ronaldo na svom Instagramu.

Podsjetimo, Srbija je gubila 0:2, ali je do remija stigla golovima Aleksandra Mitrovića i Filipa Kostića u drugom poluvremenu.