Nekada Jugoplastika, sada Split: Budućnost gost na “Gripama”

0
32
Foto: Mega Soccerbet

Košarkaši Budućnost Volija gostovaće večeras Splitu u 14. kolu regionalne ABA lige.

Tim Petra Mijovića zbog problema sa koronavirusom do sada ima zaostatak od četiri meča i skor od devet pobjeda i jednog poraza.

Sada ih čeka gostovanje Splitu, nekadašnjoj Jugoplastici u legendarnoj dvorani “Gripe”.

“Dobra stvar u ovoj situaciji što se konačno vraćamo na teren. Ispred nas je teško gostovanje u Hrvatskoj, utakmica će se igrati u čudnim okolnostima jer smo bili spriječeni da imamo normalan trenažni proces. Rival koji je respektabilan, sa dobrim domaćim terenom. Mislim da su igrači svjesni da je ispred nas zahtjevna utakmica i da će biti fokusirani. Vjerujem da ćemo dati svoj maksimum u datom trenutku i da smo spremni da dobro odigramo u Splitu”, rekao je pomoćni trener Budućnosti Vladimir Todorović.

Budućnost će u meč ući nakon dva neodigrana susreta zbog članova kluba koji su bili zaraženi koronavirusom što bi mogla da bude otežavajuća okolnost za Podgoričane.

Meč u Splitu počinje u 19 sati.