Jokić isključen, Finiks počistio Denver sa 4:0 (VIDEO)

0
38
Foto: Profimedia

Košarkaši Denver Nagetsa na najgori mogući način okončali su sezonu u NBA ligi.

Nagetsi su i u četvrtom meču polufinala Zapadne konferencije poraženi od Finiks Sansa i to na svom parketu 125:118 i tako sa ukupnim porazom 4:0 okončali sezonu.

Iako su u svojim redovima imali MVP-ja Nikolu Jokića ovo je tek peti put u istoriji da ekipa koja ima najkorisnijeg igrača lige u svojim redovima bude eliminisana bez pobjede u plej-ofu.

Upravo Jje Jokić isključen u trećoj četvrtini nakon jednog grubog faula nad Kameronom Pejnom, pa za Nagetse praktično više nije bilo nade.

Jokić je okončao meč sa 22 poena, 11 skokova i četiri asistencije.

Kod pobjednika se istakao sjajni Kris Pol sa 37 peona, a Devin Buker je dodao 34.

Finiks će u finalu Zapada igrat protiv boljeg iz serije Jute i Klipersa (trenutno 2-1).