Beretini: Ja sam imao grčeve, a Novak je opušteno slušao muziku

0
39
Foto: Twitter

Italijanski teniser Mateo Beretini prisjetio se ljetošnjeg finala Vimbldona u kome je igrao protiv Novaka Đokovića.

Italijan je tada izgubio od srpskog asa, ali se prisjetio događaja prije finala.

“Sjećam se, imao sam tada grčeve u stomaku. Probao sam da natjeram samog sebe da nešto pojedem, ali nisam mogao da se izborim sa pritiskom. U svlačionici smo bili sami Novak i ja. On je već igrao više od 30 Gren slem finala i bio je daleko naviknutiji na sve to od mene, iako je sigurno i on osjećao tenziju. Ipak, on je mirno sjedio i slušao muziku na slušalicama, dok sam ja sam sebe pitao ‘kako ću da igram kada ne mogu ni dva zrna pirinča da pojedem’? Ruke su mi se znojile, a kada sam počeo da pričam sa ljudima iz mog tima, osjetio sam vrtoglavicu”, rekao je Mateo.

Sve se promijenilo izlaskom na teren.

“Nekako, sve se to odjednom slomilo u meni. Naričito kada sam krenuo na zagrijavanje. Osjetite taj nalet adrenalina i ogromnu želju da pobijedite. Imate osjećaj kao da možete svakog da dobijete. Rekao sam sebi, ‘ovdje si zato što si to zaslužio’. Ali, nekada pobijediš, nekada izgubiš”, zaključio je italijanski teniser.