Alvarez pobijedio Saundersa pred 73.000 gledalaca

0
17
Foto: USA Today Sports

Meksički bokser Kanelo Alvarez savladao je Britanca Bilija Džoa Saundersa i objedinio titule u WBA, WBC i WBO supersrednjoj kategoriji.

Borba se odigrala u teksaškom Arlingtonu na stadionu NFL ekipe Dalas Kaubojs, a meč je sa tribina gledalo čak 73.126 ljudi.

Na taj način oboren je rekord po broju navijača na bokserskom meču na teritoriji SAD.

Dosadašnji rekord držala je borba između Mohameda Alija i Leona Spinksa kojoj je prisustvovalo 63.352 i to još 1978. godine.

Ujedno, ovo je i najposjećeniji sportski događaj od početka pandemije koronavirusa.

Što se tiče same borbe, ona je prekinuta u pauzi između osme i devete runde jer Saunders nije mogao nastaviti.